دموع العين تجـــ،،ـــــرح .. و دموع القلب تذبـــ،،ـــــح

افتح شبابيك الهـوى جيتـك اليـوم ..
باحساس من زود الوله وده ايطيـر !!

جيتك مثل طفلٍ له ايـام محـروم .. من حضن امـه وابعدتـه المقاديـر
وجيتك مثل عودٍ له ايـام مهمـوم .. وده يلاقـي باخـر الوقـت تقديـر

متى تحس ان الهوى شـي مقسـوم .. من قسمة الخالق على خلقه يصيـر
ومتى تحس اني لك اطيـح واقـوم .. واتعب على شانك واقدرك وآغيـر

لي في هواك أحلام وآمال وعلـوم .. واحزاب واصحاب وقصيد وجماهير
وحب وغلا واخلاص ومعاند ولوم .. واحساس وإلهام وشعور وتفاكيـر

في ذمتك مآ بان لـك شـي مكتـوم .. من بعد مآ صورت الأوضاع تصوير
لاتحسب انك شي عابـر ومعـدوم .. لأن تاريخ حبك فـاق كـل الاساطيـر

في كل شي اتخيلك واسمعـك دوم .. واتأملك في الوقت الأول ولآخيـر
من ماضي الأيـام لا يومـك اليـوم .. وغلاك عندي ماحصل فيـه تغييـر

وانا لك الله مأقبـل البيـع والسـوم .. ولا ارضى علي ولاعليك المخاسير
لاْني الوحيد اللي على بحرك يعـوم .. واللي عرف مرساه في رحلة السير